MIR SINN

Uns ischs e Härzensaglägeheit, e jungs Publikum an d Wält vo der klassische Musig ane z'fiehre und jungi Solischte us dr Region z'fördere.

Doderby stöhn d'Pflääg vom koschtbare Erb vo der klassische Musig und d'Uffiehrige vo grosse symphonische Wärk im Mittelpunkt.

Mir sinn in der regionale Musigszene guet vernetzt und biete über d'Ländergränze ewäg bi unsere Konzärt vyle internazionale, renommierte Künschtler und Solischte en aspruchsvolli Plattform sich z'präsentiere.

Zue de Höhepünkt vo de letschte Joor ghöre unseri Uffiehrig vo dr Cäciliemäss vom Charles Gounod mit zwei Chör us em Elsass im Stroossburger Münschter und d' Konzärttrilogie „Musik für Frieden und Völkerverständigung“ mit em wältbekannte Bassbariton Hanno Müller-Brachmann.

Im Vordergrund stoht d'Freud an dr Musig, wo mir genre- und länderübergryffend mit Lydeschaft läbe und vermittle.

D'Erwyterig und Vertiefig vo unserem Repertoire isch doderby e zentrale Aschpäggt.

Als trinazional präggts Orcheschter stöhn mir für Völkerverschtändigung und Fründschaft - e Sälbschtverständligkeit für uns.

Mir sinn offe für aktivs Engagement als Mitspieler und begriesse au sämtligi Unterstützig vo Förderer oder Sponsore.

Erschti Vorsitzendi: Gabriele Foege
Zweite Vorsitzende: Christian Leitherer
Kassierer: Raphael Sonderegger
Erschti Schriftfierere: Lilian Wiesner
Zweiti Schriftfierere: Ria Stahlberger (Präss)
Nootewartin: Pascale Kieffer
Bysitzere: Verena Richardsen (Präss)
Bysitzere: Kerstin Rohr
Bysitzer: Kirsten Lin

Musikalische Laiter/Dirigänt: Franck Nilly
Konzärtmaischter: Christian Rozgonyi

Vylmool hört me dä Satz in de Probe: „Dasch so tolli Musig!“ - und denn halte mer alli a und sinn uns einig: nur do drum gohts.

Unser Orcheschter pfläggt e sinfonischs Repertoire, wo mit grosser Bsetzig die kulturelli Vylfalt im Dreiländeregg spieglet. Mir schtelle d Uffierige gärn unter e Motto, wie zum Byspil „Französischi Impressionischte“, „Spanischi Komponischte“ oder „E russische Konzärtoobe“.

Au e Rock-Pop-Konzärt am Rhyufer stoht für modärni, kooperativi Zämmenarbet. Gmeinsami Projäggt mit Chör us dr Region ergänze immer wieder emol s'Programm.

Dr Höhepunggt vom Konzärtoobe isch meischtens s Solokonzärt, am liebschte mit junge Virtuose us dr Region aber au mit internazional bekannte Künschtler.
Am Neujoorsempfang vo dr Stadt Weil am Rhein im Jänner darfs gärn au emol gfälligi Wiener Musig sy.

Mir möchte Mensche in jedem Alter für Musig begaischtere, als Mitwirggendi und als Publikum. Bsueche Si uns und daile Si mit uns die beglüggendi Erfaarig!